Suuq kasta oo crypto ah waxa uu leyahay qaab loogu gudbiyo cabashada haddii aad la kulanto dhac ama khiyaano, balse cinwaankan maanta waxaan kaga hadli doonnaa sida saddex suuq oo Isweydaarsi oo kala ah Binance, Coinbase, iyo MEXC loogu gudbiyo cabashada, ogow habkan mustaqbalka waa is-beddeli karaa.
Haddii lagugu dhaco madal isweydaarsi oo lacagaha dijitaalka ah, waxaa muhiim ah inaad si degdeg ah u gudbiso cabashadaada. Saddexda madal ee waaweyn Binance, Coinbase, iyo MEXC, mid kasta waxay leedahay hab rasmi ah oo lagu soo sheego falalka khiyaano ee dhaca. Raac tallaabooyinkan si kiiskaaga loo diiwaangeliyo, loona yareeyo khasaaraha ku soo foodsaari lahaa.
- Sida cabasho loogu gudbiyo Binance
Binance waxay u oggolaanaysaa isticmaaleyaasha ay xaqiijisay oo ah kuwa diwaangeliyay sharcigooda inay soo gudbiyaan warbixinta la xidhiidha dhaca soo gaadha iyagoo adeegsanaya Foomka Warbixinta Kiiskaska khiyaano. Waxaad ku gudbin kartaa saddex hab:
- Bogga Faahfaahinta wax-diridda :- Hel transaction-ka khiyaamada ah oo dhex gal boggiisa, guji [Report Scam], kadibna buuxi foomka kuu soo baxaya.
- La xidhiidhka kooxda caawimaadda Binance :- Soo gal, guji astaanta Support, kadibna Self Service → View All → Non-P2P Related Scam Report, kadibna gudbi faahfaahinta lagu waydiiyo.
- Wada hadal Toos ah :- U sheeg adeegga macaamiisha inaad rabto inaad gudbiso warbixin khiyaano, kadib isticmaal link-ga ay ku siiyaan si aad u buuxiso foomka.
Waa inaad leedahay akoon xaqiijisan oo KYC gudbiyay. Noocyada khiyaamooyinka aad gudbin karto waxaa ka mid ah: shaqaale been abuur ah, madal maalgashi been ah, Ponzi schemes, maalgashi khiyaano ah, rug pull, khiyaano ku saleysan remote access oo ah in qof kula joogin galo akoonkaaga iyo lacag bixin aad alaab ku iibsatay oo laguu keenin alaabtii. Dooro Nooca Warbixinta saxda ah (tusaale, Fake Investment, Blackmail, Face2Face Fraud) kuna lifaaq caddeymo sida IDs-ka transaction-ka, cinwaanada(Address) akoonkga ku dhacay iyo kaagaba , iyo sawirro shaashadda aad ka qaadday.
- Sida cabasho loogu gudbiyo Coinbase
Coinbase waxay ku hagtaa isticmaaleyaasha inay soo sheegaan khiyaamada iyagoo kooxda caawimaadda rasmiga ah la xidhiidhaya:
Help Center :- Soo gal akoonkaaga, gal Help Center, ka raadi “Report fraud” ama “Report scam”, kadib buuxi foomka.
Telefoon haddaad rabto :- Adeegso keliya lambarrada rasmiga ah ee ku qoran bogga Coinbase.
Email haddad ku gidbin rabto :- Haddii aad ka shakisan tahay phishing ama qof iska dhigaya shirkadda, ku gudbi cabashada email-ka security@coinbase.com.
Isticmaal Foomka Cabashada Online-ka ah oo Ku dar lambarka kiiskaaga iyo dhammaan caddeymaha taageeraya kiiskaaga sida sawiraan… Iwm. Coinbase waxay xaqiijin doontaa helitaanka cabashada waxayna soo saari doontaa go’aan qoraal ah ku dhawaad 45 maalmood gudahood. Xaaladaha culus, la xidhiidh hay’adaha sharci dejinta sida FTC, SEC, ama unugga dambiyada internetka ee dalka aad joogto.
- Sida cabasho loogu gudbiyo MEXC
U Gudbinta cabashada MEXC wuxuu u baahan yahay ficil degdeg ah:
- La xidhiidh kooxda caawimaadda ama Email-kooda rasmiga ah :- Bixi faahfaahinta khiyaamada, oo ay ku jiraan sawirrada shaashadda, TxIDs, iyo cinwaanada akoonkaaga iyo ka ku dhacayba.
- KYC Xaqiijisan :- Kaliya isticmaaleyaasha xaqiijisan ayaa kiiskooda laga shaqeyn karaa.
MEXC waxay joojin kartaa akoonnada laga shakiyo waxayna kala shaqeyn doontaa laamaha sharciga sidii wax looga qaban lahaa cabashadaada.
Talooyin guud oo ku anfacaya haddii suuqyada crypto lagugu dhaco
U Dhaqaaq Si Degdeg ah :- Markaad hore u soo sheegto kiiska, fursadda badbaadadu way weyn tahay maadaama laga yaabo in hantida wax lagu gaadho tuugga.
Gudbi dhammaan caddeymaha :- Gudbi dhammaan qoraallada, emails, ID-ka wax diridda iyo warbixinada booliiska.
Adeegso Kanaallada Rasmiga ah :-Ha aaminin fariimaha aan la soo dalban oo sheeganaya inay ka socdaan madasha aad adeegsanayso.
La socodsii hay’adaha amni :- Xitaa haddii hantidu aanay soo laaban, warbixintu waxay caawisaa in la joojiyo dembiyada soo noqnoqda.
Raacista tallaabooyinka rasmiga ah ee Binance, Coinbase, iyo MEXC waxay hubinaysaa in kiiskaaga si rasmi ah loo diiwaangeliyo, loo ilaaliyo hantida hadhsan, lana taageero dadaallada ka hortagga khiyaamada.
Sidoo kale dhammaan madalaha kale ee suuqyada crypto sidan si la mid ah unbaa cabasho loogu gudbiyaa.
Ku baro halkan crypto bilaw ilaa dhammaad luqaddaada hooyo
