“Pump and Dump” ee suuqa lacagaha dhijitaalka ah waa farsamo lagu khiyaaneeyo dadka oo lagu kordhiyo qiimaha token si been abuur ah si loo soo jiito ka qaybgalayaal oo ah maalgashadayaal, ka dibna si degdeg ah loo iibiyo, taasoo keenta in qiimuhu hoos u dhaco.
Nidaamkan waxa uu caadi ahaan ka kooban yahay afar marxaladood ka hor bilaabashada mashruuca, furitaanka mashruuca, kor u qaadista (pump) qiimaha Tokenka isaga oo xoog loo iibsanayo, iyo iibinta (dump) Tokenka taas oo sababta hoos u dhaca qiimaha, iyadoo saddexda marxaladood ee hore loo isticmaalo in lagu abuuro ka qaybgalayaasha cabsi ah inay fursad seegaan (FOMO).
Si aad uga fogaato inaad u gacan gasho khiyaamadan, waa muhiim inaad ka digtoonaato calaamadaha digniinta oo aad go’aamada ku saleyso xog iyo cilmi, halkii aad ka raaci lahayd shucuurtaada.
Fahanka Nidaamka Pump and Dump
“Pump and Dump” ee crypto waa khiyaano lagu abuuro ama lagu iibsado tiro badan oo ka mid ah lacag dhijitaal ah oo qiime hoose leh, kadibna si xad dhaaf ah loo xayaysiiyo si loo kordhiyo qiimaheeda, ka dibna laga iibiyo dadka aan waxba ka warqabin.
Marka dadka khiyaamada sameeya ay bilaabaan inay iibiyaan tokennada, tirada tokenku wuu sii bataa halka qiimuhu hoos u dhaco.
Maadaama lacagahan badankood aysan lahayn wax qiimo dhab ah, qiimuhu marna dib uma soo kabsado ka dib marka la iibiyo. Taas waxa ay ka dhigtaa ka qaybgalayaasha oo ah dadka xayaysiiska ku hodmay ee maalgashaday Tokenka kuwo haysta token qiimo yari ku hadhay, halka dadka khiyaamada sameeyay ay faa’iido kala baxaan suuqa.
Afarta Marxaladood ee Pump and Dump uu maro
Nidaamka Pump and Dump badanaa waxuu raacaa afar marxaladood: ka hor bilaawga ka ganacsiga Tokenka, furitaanka ganacsiga, pump, iyo dump.
Ka hor ganacsiga:- Waxaa la abuuraa buuq iyo xamaasad ku saabsan token qiimo yar leh. Waxaa loo adeegsadaa farsamooyin sida liisaska oggolaanshaha ay ka heleen exchange-yada iyo iibinta hore (pre-sales) si loo helo ka qaybgalayaal hore.
Furitaanka:- Waxaa la shaqaaleysiinayaa dadka xayeysiinta sameeya si loo soo jiito maalgashadayaal cusub.
Pump:- Qiimaha tokenka ayaa kacaa iyadoo dad badan ay bilaabaan inay ka ganacsadaan.
Dump:- Dadka khiyaamada sameeya waxay iibiyaan hantidooda marka qiimuhu gaadho heer ay faa’iido u arkaan. Iska Iibinta ballaadhan waxay keentaa in Tirada Tokenku ka badato baahida maalgashadayaasha, taas oo qiimaha hoos u dhigta.
Sida loo garto Pump and Dump
Inaad ogaato nidaamkan waxay u baahan tahay feejignaato waxba ka shakido marka aad fahmi waydo.
Calaamadaha lagu garto waxaa ka mid ah:
- Korodh degdeg ah oo ku yimaada qiimaha lacag dhijitaal ah iyada oo aan jirin sabab muuqata.
- Macluumaad xaddidan oo ku saabsan mashruuca ama token-ka.
- Kordhin weyn oo ku timaadda mugga ganacsiga muddo gaaban gudaheed.
- Haddii fursad maalgashi u muuqato mid aad u wanaagsan oo aan caadi ahayn, badanaa waa khiyaano.
Saameynta Pump and Dump
Nidaamyadan waxay ku keeni karaan khasaare dhaqaale oo aad u weyn dadka ka ganacsada Tokens-ka la buunbuuniyay, kuwaas oo ugu dambeyn la haray token qiimo la’aan ku soo hadhay markii qiimaha dhulka lala simay kadib.
Waxay sidoo kale dhaawici karaan sumcadda suuqa crypto, taasoo ka dhigi karta mid khatar iyo isbedel badan leh marka loo eego sida dhabta ah ee uu yahay.
Sidee ayaad Isaga ilaalin kartaa khiyaamadan
Si aad isaga ilaaliso nidaamyadan, waa inaad ahaataa qof xog ogaal ah oo go’aamada ku saleeya cilmi iyo xog, halkii aad ka raaci lahayd shucuur iyo rajo naawil. Ka digtoonow xayaysiisyada sheegaya in ay bixiyaan faa’iidooyin waaweyn iyadoo khatar yar jirto.
Had iyo jeer samee cilmi baadhis ka hor intaadan ku lug yeelan token cusub. Sidoo kale, kala qaybso hantidaada maalgashi si aad u yarayso khatarta, hana ku koobnaanin hal meel oo keliya.
Ku baro halkan crypto bilaw ilaa dhammaad luqaddaada hooyo
