Shirkadda Fractal Bitcoin waxay saadaalineysaa heerar cusub oo ka sarreeya $110K dhammaadka toddobaadkan

Xogta onchain-ka ah ayaa muujineysa in maalgashadayaasha Bitcoin ay kordhinayaan xawaaraha urursiga Bitcoin, iyadoo qiimaha BTC uu u dhaqaaqayo dhanka heerar cusub oo sare.

Qodobada Muhiimka ah:-

Xogta onchain-ka(xogta Blockchain-ka ku kaydsan) iyo tan technical-ka ah ee Bitcoin waxay soo sheegayaan in heerar cusub oo taariikhi ah ay soo dhow yihiin.

Xogta Glassnode waxay muujineysaa in inta badan kooxaha maalgashada Bitcoin ay ku jiraan xaalad urursi ah.

Qiimaha Bitcoin (BTC) ayaa dib ugu kacay in ka badan $105,000 inta lagu guda jiray xilliyada ganacsi ee suuqyada Mareykanka, kadib markii uu sameeyay qaab double bottom ah ee jaantuska 1-saac ah.

Jaantuska 1-saac ee Bitcoin, Xigasho: Cointelegraph/TradingView

Xaddiga liquidity-ga ee ku dhow aagga $102,500 ayaa la qaaday, taasoo suurta-galin karta in meel qiimaha kor u haysa (support) loo helo heerar cusub oo sare oo qiimaha Bitcoin kor u qaadda toddobaadkan.

Shirkadda Fractal Bitcoin waxay saadaalisay heerar cusub oo taariikhi ah

Qiimaha hadda ee Bitcoin waxa uu u dhexeeya $106,300 iyo $100,600 wuxuu matalayaa qaab la mid ah kii hore ee u dhexeeyay $97,900 iyo $92,700. Qaabka dhaqdhaqaaqa qiimaha ayaa lagu soo koobay saddex xaaladood:

Qiimaha Bitcoin ayaa jihada degdeg u beddesha marka uu meel hoose iyo meel sareba gaadho.

Double bottom ayaa dhacay kadib markii la gaadhay heerarkii sare ($97,900 iyo $107,144).

Qaabka double bottom-ka ayaa ka dhacay meel sare oo ka sarreysa heerarkii hoose ee qiimuhu gaadhay.

Falanqaynta fractal ee qiimaha Bitcoin. Xigasho: Cointelegraph/TradingView

Qiimaha Bitcoin wuxuu u badan yahay inuu ku xasilo inta u dhaxaysa $103,500 iyo $105,200 (sanduuqa oranjiga ah ee sawirka kore) 24-ka saacadood ee soo socda, isagoo ka tarjumaya dhaqaaqiisii hore ee u dhexeeyay $95,800 iyo $97,300. Haddii qaabkani uu sii jiro, waxay kordhin kartaa fursadda ay Bitcoin kaga gudbi karto $107,000, taasoo suurta-galin karta inay gaadho heerar cusub oo sare oo ka sarreeya $110,000 toddobaadkan.

Dhinaca kale, haddii uusan haynin $103,500, waxaa dhici karta in uu dib u tijaabiyo support-ga $102,000. Tani waxaa loo aqoonsan doonaa in ay burisay saadaasha qiimaha, taasoo fure u noqon karta hoos u dhac cusub oo ka hooseeya $102,000 maalmaha soo socda.

Glassnode waxay shaacisay isbeddel weyn oo ku yimid hab-dhaqanka maalgashadayaasha Bitcoin, iyadoo jaantuska ugu dambeeyay ee Accumulation Trend Score uu muujinayo in maalgashadayaasha yaryar ee haysta wax ka yar 1 BTC ay ku biireen isbeddelka kor u kaca ah darajo dhan 0.55. Kooxaha waaweyn ee haysta 100–1,000 BTC iyo 1,000–10,000 BTC waxay muujiyeen darajooyin urursi oo xoogan oo ah 0.9 iyo 0.85 siday u kala horeeyaan.

Jaantuska urursiga Bitcoin. Xigasho: Glassnode

Kaliya kooxda haysta 1–10 BTC ayaa wali urusigoodu yar yahay. Heatmap-ka, oo ka guuraya buluug (distribution) una guuraya casaanka (accumulation), wuxuu muujinayaa kalsoonida sii kordheysa ee suuqa lagu qabo. Taariikh ahaan, isbeddelada noocan ah waxay hor dhac u ahaayeen sare u kaca qiimaha BTC.

Ku baro halkan crypto bilaw ilaa dhammaad luqaddaada hooyo

Crypto bilaw ilaa dhamaad AF:Somali