Wadamada aqbalay lacagaha Digital-ka ee Crypto

Cryptocurrency waaa lacago Digital ah oo qarnigaan ku soo kordhay caalamka, lacagtii ugu horeysay ee Crypto waxay aheed Bitcoin taasoo la sameeyay intii u dhaxeysay 2008 ilaa 2009 waxayna dunida ku gaareen si fudud oo waxaa isticmaalkooda aad u daneenaayo bulshooyinka caalamka maadaama ay yihiin lacago ka madax banaan Awood dhexe oo lagu maamulo xogtooda Blockchain-ta.

Dowladaha caalamka Crypto waxay ka qaateen aragtiyo kala duwan oo waddan waliba si ka duwan waddanka kale ayuu ula dhaqmaa una sharciyeeyaa ama mamnuucaa waa tanaa aragtida kala duwan ee ka qaateen:

·        Qaar waxay u aqoonsadeen Crypto lacag rasmi ah Legal tender sida El-Salvador

·        Waddamada qaar waxay u aqoonsadeeh hanti maalgashi Asset sida U.S

·        Waddamo qaar way mamnuuceen isticmaalkooda wayna joojiyeen Sida Chaina

·        Qaar ma aysan sharciyeen balse waxay ka qaadaan isticmaalayaasha Canshuur sida India

·        Waddamada qaar waxy u dajiyeen sharciyo waxayna u aqoonsadeen hanti maalgashi mana ka qaadaan isticmaalayaasha wax canshuur ah. Sida Imaaraat-ka carabta

Si kastaba ha ahaatee Crypto waxaa daneeyo oo isticmaalkooda aad ula qabsaday Bulshooyinka Caalamka, Dowladuhuna way ku qasban yihiin inay sharciyo u dajiyaan suuqyada Crypto lana socdaan lacagahaan Digital-ka ee xowliga ku socda maadaama hadii shacabka u wareegaan adeegsigooda ay meesha ka bixi doonto lacagihii bankiyada dowladuhu soo saari jireen Fiat-currency.

Waddamadii ugu horeeyay ee Crypto aqbalay una sameeyay Sharciyo

Waa kuwaan waaddamadii ugu horeeyay ee aqbalay Cryptocurrency adeegsigooda una fasaxay muwaadiniintooda inay isticmaalaan una dajiyay sharciyo

1.     Dowladda El-Salvador: waxay aqbashay Crypto una aqoonsatay Coin-ka Bitcoin lacag caadi ah ‘legal tender’ oo lagu dhex adeegsan karo waddanka sida wax iibsasho iyo iska iibin, waaana waddanaka ku sameeyo maalgashi badan Coinka BTC.

2.     Waddanka CAR-Central African Republic: waxuu aqbalay lacagaha Digital-ka ee Crypto waxuuna u aqoonsaday Coin-ka Bitcoin lacag sharciyeesan oo waddanka gudihiisa loogu adeegsan karaa qaab sharciyeesan.

3.     Isutaga Imaaraatka Carabta: waxuu aqbaley Crypto, waxuuna u aqqonsaday hanti maalgashi, shacabka ku nool waddankiisa ee adeegsada kama qaado wax canshuur ah, suuqyada ka shaqeeyo Crypto waxay xaruumo ku leeyihiin badankooda UAE.

4.     Dowladda maraykan: waxay aqbashay Crypto, wayna sharciyeesay, waxayna ka qaataa muwaadiniinteeda adeegsada canshuur, waxayna u aqqonsatay hanti maalgashi Property. Madaxweynaha hadda talada haayo ee Trump waxuu saxiixay sharciga Strategic Bitcoin reserve ‘kayd qaran ay dowladda ku samayso Coin-ka BTC’ 06-March, 2025.

5.     Waddanka Japan: wuu aqoonsaday Crypto, waaxuuna u sameeyay sharciyo, waxuuna ula dhaqmaa sida hanti oo kale.

6.     Boqortooyada ingriiska: way aqbashay Crypto waxayna u aqqonsatay hanti maalgashi waxaana shariyeeyo oo maamulo hay’adda FCA.

7.     Middowga Yurub-EU: Dowladdaha ku midaysan way aqbaleen Crypto balse si kala duwan ayay u arkaan waxaase jiro sharci mideysan uu soo saaray Barlamaanka Midowga Yurub kaasoo lagu maamulo Cryptocurrency.

8.     Dowladda Brazil, way aqoonsatay Crypto waxaana sharci ka soo saaray barlamaanka waddanka, waaxana loo ogalaaday inay shacabka wax ku bixin karaan.  

9.     Dowladda Singapore: waxay u aqqonsatay Crypto Asset ‘hanti maalgashi’ wayna aqbashay waxayna u dajisay sharciyo lagu dhaqo si muwaadiniinta maalgashigooda loo hubiyo.

10.  Dowldaa Turkey: way aqbashay Crypto waxayna u aqoonsatay hanti maalgashi waxayna saartaa sharciyo adag si lagu hortago dhicid iyo lacag dhaqis.

11.  Waddanka Russia: wuu aqbalay Crypto waxuuna ula dhaqmaa sida hanti maalgashi oo kale waxuuna u dajiyay sharciyo lagu hago.

12.  Dowladda Ukraine: waxay ku jirtaa waddamadii ugu horeeyay ee aqbalay Crypto, una dajiyay xeerar shaccabka isticmaala iyo suuqyada ka shaqeeyo, waxuuna waddanka maalgashtaa Coin-ka Bitcoin.  

13.  Dowladda South Africa: way aqbashay Cryptocurrency waxayna u aqoonsatay Asset ‘hanti maalgashi’ waxayna u dajisay sharciyo lagu maamulo, waxayna kaa qaataa muwaadiniinteeda adeegsada Canshuurta Capital gain.

14.  Dowladda Nigeria: waxay aqbashay lacagaha Cryptocurrency, waxayna u aqoonsatay saamiyo maalgashi ‘Securities’ waxayna ka qaataa muwaadiniinteeda adeegsada canshuur.

15.  Waddanka Switzerland: waxuu aqbaley Crypto waxuuna ula dhaqmaa sida hanti maalgashi oo kale, wayna adeegsan karaan shacabka waddanka, waxuuna u dajiyay sharciyo lagu nidaamiyo.

Sidee ayey dowladuhu u aqbalaan lacagaha Digital –ka ee Crypto?

Ka hor inta aysan dowladi aqbalin Cryptocurrency, una sameen sharciyo lagu hago waxay ka qaadataa aragtidii ay ku aqoonsan lahayd waxaa ka mid ah aragtiyada ay ka qaataan dowladuhu:

·       U sharciyeen sida lacag rasmi ah legal tyrender: waddanku waxuu u aqoonsadaa Crypto sida lacag sharciyeesan ay u isticmaali karaan muwaadiniinta.

·       U aqoonsasho sidii hanti maalgashi ‘Property investment’: Waddamadu waxay Crypto u aqoonsan karaan hanti Digital ah sida Stock ama dahabka oo kale.

·       U aqbalid qaab Badeeco ahaan: Dowladuhu waxay Crypto u aqbali karaan sida badeecad Digital ah oo la maalgashto ‘Digital Commodity’

Ka dib markii ay dowladdu Crypto aqoonsato ayna ka qaatado aragti ee ula dhaqanto sida hanti maalgashi ama lacag rasmi ah waxay maamushaa isticmaalkooda ay sameenayaan shacabkeeda iyadoo u dajiso xeerar gaar ahaan suuqyada ka shaqeeyo.

Halkaan ka baro Coursada Crypto

Crypto bilaw ilaa dhamaad AF:Somali