21 Oktoobar 2026
Wararka maanta waxaa ugu waaweyn Elon Musk oo taageeray fikradda ah inay isku biiraan Tesla iyo SpaceX, stablecoin transfers oo gaaray $891 billion rubucii saddexaad ee sannadkan, iyo Bitget oo qorshaynaysa inay iibsato crypto exchange ka shaqaysa Thailand.
Musk oo taageeray fikradda isku biirista Tesla iyo SpaceX
Elon Musk ayaa sheegay inuu u arko fikrad wanaagsan inay isku biiraan Tesla iyo SpaceX. Haddii qorshahani hirgalo, wuxuu abuuri karaa shirkad lagu qiyaaso qiimaheeda $3.5 trillion, oo isku keenta baabuurta korontada, hawlaha hawada sare iyo AI.
Musk ayaa hadalkan ka sheegay kulankii lagu soo bandhigayay natiijooyinka dhaqaale ee SpaceX ee rubucii saddexaad. Wuxuu sheegay in labada shirkadood ay sameeyeen guddiyo ka kooban xubno madax-bannaan oo ka tirsan maamulkooda, si ay uga wada hadlaan fikraddan kadib codsi uga yimid shareholders.
Musk laftiisu kama qaybgalayo wada-hadalladaas, maadaama uu dano ku leeyahay labada dhinac oo ay jirto xaalad conflict of interest ah.
Isku biiristu waxay Tesla ku dari lahayd koox ay hore ugu jiraan SpaceXAI, oo samaysa Grok, iyo baraha bulshada ee X. Arrintan ayaa kusoo beegmaysa xilli qaybta AI ay noqotay qaybta ugu dakhliga badan SpaceX rubucii saddexaad.
Weli lama shaacin heshiis kama dambays ah oo ku saabsan isku biirista labada shirkadood.
Stablecoin transfers oo gaaray $891 billion, bangiyada Maraykankana ay tijaabinayaan adeegsigooda
Warbixin ay diyaarisay The Block Research, oo Coinbase ay maalgelisay, ayaa sheegtay in stablecoin transfers ay gaareen $891 billion rubucii saddexaad ee 2026. Tiradani waxay ka badan tahay afar jibbaar heerkii bilowgii 2023.
Warbixintu waxay tilmaantay in 73% transfer volume-ka la shaandheeyay uu dhacay xilliyo ka baxsan saacadaha shaqada bangiyada Maraykanka, oo ay ku jiraan habeenkii, maalmaha fasaxa iyo ciidaha.
Kiribto: Kacdoonka Qarniga 21-aad
Madax-bannaani ★ Daah-furnaan ★ Musuq-maasuq Laa’aan. 
Ku soo dhawoow kacaankii qarniga 21-aad.
Tani waxay muujinaysaa doorka stablecoins ee lacag dirista iyo lacag bixinta marka adeegyada bangiyada dhaqameed ay xiran yihiin.
Toddoba ka mid ah 10-ka bangi ee ugu waaweyn Maraykanka ayaa tijaabiyay stablecoins ama tokenized deposits si loogu isticmaalo settlement. Sidoo kale, 30% shirkadaha dhexdhexaadka ah ee ganacsi caalami ah sameeya ayaa isticmaala ama tijaabinaya stablecoins, halka tiradu ahayd 10% sannadkii 2024.
Inkasta oo isticmaalka iyo transfers-ku kordheen, wadarta stablecoins ee suuqa ku jirta wax badan iskama beddelin sannadkii la soo dhaafay. Sida xogta DeFiLlama lagu sheegay, market cap-ku wuxuu Talaadadii ahaa $301.4 billion.
Sidaas darteed, $891 billion waa qiimaha transfers-ka rubucaas, mana aha qiimaha guud ee suuqa stablecoins.
Bitget oo qorshaynaysa inay iibsato crypto exchange ku taalla Thailand
Bitget ayaa shaacisay qorshe ay ku iibsanayso GMO-Z.com Cryptonomics ee Thailand, si ay u ballaariso joogitaankeeda Koonfur-bari Aasiya.
Iibsashada waxaa fulinaysa BTGT Management (Thailand), oo Bitget ay sheegtay inay saami ku leedahay. Haddii heshiisku dhammaado, wuxuu u fududaynayaa Bitget inay adeeggeeda trading gaarsiiso isticmaaleyaasha Thailand.
Madaxa Bitget, Gracy Chen, ayaa sheegtay in Thailand ay muhiim u tahay suuqa digital assets ee gobolka, isla markaana heshiiskani fursad u yahay shirkadda inay halkaas ka samaysato hawlgal maxalli ah.
GMO Internet ayaa iibkan ku shaacisay dukumenti taariikhdiisu ahayd 24-kii Sebtembar, iyadoo la qorshaynayo in la dhammeeyo 31-ka Oktoobar. Lama shaacin qiimaha heshiiska iyo inta uu le’eg yahay saamiga Bitget ku leedahay BTGT Management.
Qorshahan ayaa imanaya toddobaadyo kadib markii Bitget ay la kulantay hack lagu xaday ku dhowaad $388 million, kaas oo saameeyay qaar ka mid ah hot wallets iyo warm wallets-keeda.
