Ku soo dhawaada wararkii ugu dambeeyay ee la xiriira crypto, blockchain, Defi, Cefi, NFT, AI iyo Si guud dhaqaalaha caalamka.
Halkan waxaad ka aqrisan doontaa dhacdooyinkii uu dambeyay dhaqaalaha caalamka iyo crypto kuwaas oo isugu jira, waxyaabaha muhiimka waxaa ka mid ah isbadelka suuqa, xeerar cusub ay dawladuhu crypto u dajiyeen iyo la qabsiga crypto ee bangiyada iyo mashruucyada cusub ee Crypto.
1. 📈 xaalada guud ee Suuqa
Qiimaha guud ee suuqa crypto waxuu marayaa maanta $3.76 Tirilyan, waxuuna kor u kacay 1.08%.
Fear and Greed Index: Toolka lagu cabiro kalsoonida maalgashiyaasha ay ku qabaan suuqa waxuu sheygayaa inuu yahey (55), Tani waxay tilmaamaysaa in dareenka dadku ay ka qabaan suuqa yahay mid u janjeedha dhinaca damaca.
In ka badan $302.11 million ayaa lagu qasaaray suuqa 24-kii saac ee la soo dhaafay, iyadoo $166.91 billion ay ka yimaadeen dad hoos u galay suuqa (Short positions).
Xigasho:- Coinglass
Bitcoin (BTC): Qiimaha lagu kala iibsanaayo ayaa kor u kacay waxuuna gaadhay $114,971, kor u kac ah 0.28% ayay sameysay maanta.
Ethereum (ETH): Qiimaha Ethereum waxa uu kor u kacay 3.26% 24-kii saac ee u dambeeyay waxa uuna hadda marayaa $3,668.85.
XRP: Waxaa kor u kacay qiimahiisa qiyaastii 2.39% Waxaana hada suuqyada lagu kala iibsanayaa qiimo ah $3.05.
Solana:- Qiimaha Coinka Sol ayaa maanta ku jira kor u kac ah 6.09% waxuuna marayaa qiimihiisa hadda $170.66.
- 🏛 Xeerarka Sharciyeed iyo Siyaasada Suuqa
Komishaneerka SEC Hester Peirce ayaa xustay baahida loo qabo in la ilaaliyo sirta maaliyadeed iyo xuquuqda kaydinta crypto. iyada oo tidhi “Waa in aan soo dhawaynaa tiknoolajiyada ilaalinaysa sirta oo aan difaacnaa xuquuqda shakhsiyaadka ee ah in ay iskood u kaydsadaan hantidooda crypto.”
Aqalka Cad ayaa diyaarinaya amar fulineed oo lagu bartilmaameedsanayo bangiyada takoora dadka muxaafidka ah iyo shirkadaha crypto, iyadoo wax ka qabanaysa dhaqamada xisaab xidhista (debanking) laguna soo rogi karo ganaaxyo iyo ciqaabo, sida uu sheegay wargayska Wall Street.
Waxaa 90% kor u kacay saadaasha la saadaalinayo in Fed ay hoos u dhigi doonaan xadka ribada bisha September.
- 🔁 Exchange Inflow & Outflow
Maalinkii shalay ee 4-ta August ,2025-ka waxaa Exchanges-yada soo galay Bitcoin dhan 35,020.9 BTC oo u dhiganta qiime ahaan $4.02 billion, waxaana ka baxay 32,128 BTC oo u dhiganta $3.69 billion, Tani waxay ka turjumaysaa in dhaqdhaqaaq aad u weyn inuu jiro suuquna ku jiro xaalad Bitcoin suuqa ku soo qulqulayso.
- 🐋 Dhaq-dhaqaaqa Maalgashedeyaasha
Suuqa is-weydaarsiga crypto ee Bullish, oo uu taageerayo Peter Thiel, ayaa qorsheynaya inuu ku ururiyo ilaa $629M IPO-ga Mareykanka, iyadoo la hiigsanaya hanti dhan $4.2B, sida ku cad qoraalka ay u gudbiyeen SEC.
Wallet cusub oo $ETH ayaa iibsaday guud ahaan 39,294 $ETH oo qiimahoodu yahay $143,331,282.
- 🚀 Mashruucyada Horumarineed ee Crypto ku socda
Bangiga Swiss AMINA ayaa noqday bangigii ugu horreeyay adduunka ee taageera ganacsiga iyo kaydinta $SUI.
Phantom ayaa la wareegtay madasha ganacsi ee Solana memecoin ee Solsniper si ay uga ballaadhiso adeegyada crypto wallet una beddesho madal maaliyadeed oo dhammaystiran oo loogu talagalay macaamiisha.
Bangiyada caadiga ah ayaa ku maalgeliyay in ka badan $100 bilyan tiknolojiyadda blockchain intii u dhaxeysay 2020–2024, iyadoo 90% madaxda bangiyadaas ay filayaan saameyn weyn ilaa 2028-ka, sida lagu sheegay warbixin ay soo saartay Ripple.
Wiilasha Trump ayaa aasaasay shirkad maalgashi oo bartilmaameedsaneysa wax soo saarayaasha Mareykanka.
- 📊 Maalgashiga ETF-yada iyo Hay’adaha Suuqa crypto.
Qiyaastii $323.5M oo ah $BTC iyo $465.1M oo ah $ETH ayaa la iska iibiyay 4-tii August.
BlackRock spot Ethereum ETF ayaa diiwaangelisay $375M oo ah maalgashi ka baxay 4-tii August, taasoo ah lacagta ugu badnayd ee ka baxda tan iyo markii la bilaabay.
- 🪙 Stablecoin
Hay’adda maamulka bangiyada iyo lacagta ee Hong Kong ayaa muujisay dabacsanaan ku saabsan is-waafajinta lacagaha ee stablecoin-ka.
- ☢ Xogta dhaca crypto
Hackers-ku waxay xadeen $3B qeybtii hore ee 2025-ka, badankoodna waxay wareejiyeen lacagaha ka hor inta aan la ogaan, iyagoo ku wareejiyay xawaare rikoodh ah oo ah 4 ilbidhiqsi, sida aan ka soo xigannay Global Ledger.
Ku baro halkan crypto bilaw ilaa dhammaad luqaddaada hooyo
