Ku soo dhawaada wararkii u dambeeyay ee suuqa crypto, waxyaabaha aan ka hadli doonno waxaa ka mid ah, crypto, blockchain, Defi, Cefi, NFT, Ai, Web 3.0, iyo si guud dhaqaalaha caalamka.
Halkan waxaad ka aqrisan doontaa maalin walba dhacdooyinkii u dambeyay dhaqaalaha caalamka iyo crypto kuwaas oo isugu jira waxyaabo muhiim ah oo ay ka mid yihiin isbaddelka suuqa, xeerarka cusub ee ay dawladuhu crypto u dajiyeen iyo la qabsiga crypto ee bangiyada iyo mashruucyada cusub ee Crypto waxyaabaha ku soo kordha Tiknoolajiyadda Blockchain.
📈 1. Xaaladda guud ee Suuqa
Market Cap-ka guud ee suuqa waxuu joogaa maanta $3.90 trillion..
Awoodda suuqu waxay u janjeedhaa dhinaca Bitcoin oo haysata 52% oo ah hantida suuqan crypto ku jirta halka Altcoins-ku ay haystaan 48%.
Fear and Greed index oo ah halbeegga lagu cabbiro dareenka maalgashadeyaasha waxuu muujinayaa inuu yahay 44% taasoo ka dhigan inay hoosayso damaca maalgashadeyaasha suuqa.
In ka badan $346.61 million ayaa lagu qasaaray suuqa 24-kii saac ee la soo dhaafay, iyadoo $191.86 million ay ka yimaadeen dad hoos u galay suuqa (short positions).
Bitcoin (BTC): Qiimaha lagu kala iibsanaayo ayaa kor u kacay waxuuna gaadhay $112,261, kor u ka ah 0.10% ayay sameysay maanta.
Ethereum (ETH): Qiimaha Ethereum waxa uu hoos u dhacay 0.10% 24-kii saac ee u dambeeyay waxa uuna hadda marayaa $4,331.20.
XRP: Waxaa kor u kacay qiimahiisa qiyaastii 0.27% Waxaana hada suuqyada lagu kala iibsanayaa qiimo ah $2.99.
Solana:- Qiimaha Coinka Sol ayaa maanta ku jira kor u kac ah 1.21% waxuuna marayaa qiimihiisa hadda $216.22.
📜 2. Xeerarka iyo Siyaasadda Suuqa
Congress-ka ayaa soo jeediyay sharci cusub oo ku amraya Waaxda Maaliyadda inay cilmi-baadhis ku samayso aasaasidda “Kayd Istiraatiiji ah oo Bitcoin” iyo “Kaydka Hantida dhijitaalka ah ee Maraykanka”, oo ay ku jiraan qiimeyn suurtagalnimo iyo qaab-dhismeedka ilaalinta hantida dijitaalka ah ee federaalka.
Ganacsiga Shiinaha ayaa u muuqda inuu gaadhi doono heerkii ugu sarreeyay abid inkastoo alaabta ay u dhoofin jireen Maraykanka ay si weyn u hoos ugu dhacday.
Agaasimaha cusub ee Crypto ee Aqalka Cad ayaa ku tilmaamay “Kaydka Istiraatiijiga ah ee Bitcoin” inuu yahay “Mudnaanta Sare ee Trump.”
💰 3. ETFs iyo Maalgashiga Hay’adaha (Institutional Investment)
Ku dhawaad $364.3M oo $BTC ah ayaa la iibsaday, halka $96.7M oo $ETH ah la iibiyay September 8-deedii.
Spot ETF-yada Fidelity ayaa Iibsaday 1,410 $BTC iyo 17,470 $ETH 8-dii September.
ETF-yada Ethereum ayay ka baxday maalgaalin dhan $96.7M hal maalin gudaheed.
BlackRock ayaa u wareejisay 72,370 $ETH ($312M) iyo 266.79 $BTC ($29.88M) Coinbase Prime.
🆕💰 4. Coins- ka Cusub ee Suuqa la filaayo in la keeno
- Dogenarii (DOGENARII), StreamerCoin (STREAMER) iyo VoltCoin (VOLT) ayaa kamid ah tokens-ka cusub ee suuqa lagu soo daray 24-kii saac ee u dambeeyay.
🐋 5. Dhaqdhaqaaqa (Whale Investments) ee saameeya Suuqa
Cango Inc. ayaa qodday 664 $BTC bishii August; guud ahaan waxa ay hadda haysataa 5,193 BTC.
Shirkadda Cathie Wood’s Ark Invest ayaa iibsatay 101,950 saamiyo ah oo ka tirsan shirkadda kaydisa $ETH ee BMNR, oo uu leeyahay Tom Lee, September 8-deedii.
Bitmine ayaa iibsatay 10,320 $ETH oo qiimahoodu yahay $44.6M, iyadoo wadarta guud ee ay haysato hadda ka dhigaysa 2,079,763 $ETH oo qiimahoodu yahay $8.9B.
🚀 6. Mashaariicda Horumarineed ee ku socda Suuqa
Bangiga ka dhisan dalka Spain ee BBVA ayaa adeegsan doona tignooloojiyada Ripple si uu u bixiyo adeegyo la xidhiidha kaydinta hantida dhijitaalka ah, iyadoo la raacayo xeerka MiCA ee Midowga Yurub.
Qulqulka stablecoin-ka $ETH wuxuu gaaray $2.9B 24 saac gudaheed, isagoo dhigay rikoor cusub oo taariikhi ah.
Shirkadda Ant Digital Technologies ayaa qorsheyneysa inay in ka badan $8 bilyan oo hanti tamar ah ku token-gareyso blockchain-keeda, sida uu sheegay wargayska Bloomberg.
Shirkadda HashKey ee Hong Kong waxay bilowday sanduuq maalgashi oo dhijitaal ah oo $500M ah, iyaga oo diiradda saaraya Bitcoin iyo Ethereum.
🔗 7. Tiknooloojiyadda Blockchain
Charles Guillemet oo kamid ah madaxda shirkadda Ledger, ayaa ka digay weerar weyn ooo ku soo socda crypto inkasta oo shirkado badan oo crypto ka shaqeeya ay sheegeen in weli waxyeelo ay qabin.
Ku baro halkan crypto bilaw ilaa dhammaad luqaddaada hooyo
