Caddaan la’aanta ku saabsan goorta mustaqbalka la dhimi doono heerka dulsaarka inta uu Fed hoggaaminayo Jerome Powell ayaa hoos u dhigtay korodhka qiimaha Bitcoin, sida ay yidhaahdeen falanqeeyeyaasha qaar ka mid ah.
Federal Reserve-ku wuxuu hoos u dhigay heerka dulsaarka 25 dhibcood (0.25%) Arbacadii, isaga oo ka dejiyay 4% ilaa 3.75%. Si kastaba ha ahaatee, hadallo isku dhafan oo uu jeediyey Guddoomiyaha Federal Reserve Jerome Powell ayaa laga yaabaa inay joojiyaan korodhka qiimaha Bitcoin ilaa wareegga dhimista dulsaarka uu dib u bilaabmo 2026-ka, sida ay sheegeen falanqeeyeyaasha.
“Waqtiga dhow, khataraha sicir-bararka waxay u janjeedhaan kor, halka khataraha shaqo la’aantu ay u janjeedhaan hoos, waa xaalad adag. Ma jiro waddo khatar-la’aan ah,” ayuu Powell ka sheegay shirkii FOMC ee Arbacadii.
Hadalladaas ma ahayn kuwo suuqa u fiican sida ay qaar ka mid ah falanqeeyeyaashu filayeen, balse hadda waxaa la filayaa in Federal Reserve-ku sameeyo hal mar oo keliya oo hoos u dhigo heerka dulsaarka 2026-ka inta uu Powell xilka hayo, sida uu sheegay falanqeeye isla markaana ah aasaasaha Coinbureau Nic Puckrin. Wuxuu sii raaciyay:
“Fiirada ayaa u wareegi doonta lacagta suuqa ku jirta iyo siyaasadda miisaaniyadda Fed-ka horraanta 2026. Si kastaba ha ahaatee, inkasta oo maanta la shaaciyay iibsashada Treasury-ga, dhiirrigelinta lacag daabacaadda (quantitative easing) ma imanayso ilaa la arko khatar xooggan inay jirto — taas oo mar kasta la micno ah kacsanaan badan oo suuqa ku timidda iyo suurtogalnimada xanuun gaadha jeebabka dadka suuqyada maaliyadeed ka shaqaysta.”
Heerka dulsaarka oo hooseeya wuxuu kobciyaa hantida khatarta badan sida Bitcoin, balse kaliya 24.4% ganacsatada ah ayaa filaya hoos-u-dhig heerka dulsaarka ah kulanka xiga ee FOMC ee Janaayo 2026, sida ku cad xogta CME Group.
Meesha la rabo in la gaadhsiiyo heerka ribada ee 2025-ka xigasho: CME.
Madaxweynaha Maraykanka Donald Trump ayaa ka fiirsanaya beddelka Powell, waxaana si weyn loo sheegay in Kevin Hassett—oo ah agaasimaha Golaha Dhaqaalaha Qaranka—uu yahay musharraxa ugu sarreeya. Hassett sidoo kale wuxuu hore uga tirsanaa Golaha La-talinta Waxbarashada iyo Xeerarka ee Coinbase.
Powell wuxuu bixiyay hadallo isku dhafan, laakiin Trump wuxuu sheegay in guddoomiyaha xiga ee Fed-ka uu hoos u dhigi doono heerka dulsaarka
Kiribto: Kacdoonka Qarniga 21-aad
Madax-bannaani ★ Daah-furnaan ★ Musuq-maasuq Laa’aan. 
Ku soo dhawoow kacaankii qarniga 21-aad.
Powell wuxuu sheegay in kharashaadka shacabka iyo maalgelinta ganacsiga ay weli “xooggan” yihiin, isla markaana shaqo ka-eristu ay yar tahay shaqaalaysiintuna ay hooseeyso. Si kastaba ha ahaatee, sicir-bararku weli wuxuu ka sarreeyaa bartilmaameedka 2% ee Fed-ka, halka qaybta guryeynta weli loo arko “daciif.”
Fed-ku wuxuu ku gaaray go’aannadan iyadoo la adeegsanayo xog laga heli karo suuqyada, balse Powell wuxuu qirtay inay maqan yihiin bilo badan oo warbixinno dhaqaale ah sababo la xidhiidha xayiraaddii dawladda ku jirtay (Government shutdown).
Trump hore ayuu cadaadis ugu saaray guddoomiyaha xiga ee Fed-ka inuu hoos u dhigo heerarka dulsaarka. Mudada Powell-na waxay dhammaanaysaa bisha shanaad ee 2026-ka.
