Dunida lacagaha dhijitaalka ah, pre-sale waxa loola jeedaa uruurin maalgelin oo loogu talagalay token ama coin cusub oo dhaca ka hor intii aanu bilaaban iibka guud (ICO) ama iibka token-ka ee lagu sameeyo suuqyada is-weydaarsi. pre-sale-ka ama maalgalin ururinta ugu horreysa badanaa waa xaddidan yahay, waxaana la bartilmaameedsada maalgeliyayaal gaar ah sida taageerayaasha mashruuca min bilawgii taageersanaa, shirkadaha maalgeliyay mashruuca, dadka caanka ah ama xubnaha bulshada ee taageersan mashruuca. Maalgeliyayaashan waxa ay awoodaan in ay iibsadaan token-yada ka hor inta aanay suuqa soo gelin—badanaa qiimo aad u jaban ayay ku helaan.
Pre-sale-ku waxa uu noqon karaa mid cid gaar ah loogu talo galay (kaliya oggolaansho lagu galo) ama mid guud laakiin leh xaddidnaansho ku saabsan qaybinta Token-ka, dalalka heli kara ama xaqiijinta aqoonsiga (tusaale ahaan, shuruudda KYC).
Sida Presale uu u shaqeyo
1 -Ogeysiiska Mashruuca iyo Soo Bandhigista Whitepaper-ka:-
Kooxda mashruucu waxay ku dhawaaqaan pre-sale-ka soo socda waxayna soo saaraan whitepaper ama dukumeenti sharaxaysa aragtidooda, tokenomics (tirada guud, habka qaybinta, iyo shaqada ay qabataan), jidka ay ku socdaan (roadmap), iyo isticmaalka token-ka.
2- Xulashada Maalgeliyayaasha & KYC Pre-sale-yada:- gaar ahaan kuwa gaarka ah, waxay sameeyaan xaqiijinta ka qaybgalayaasha maalgashiga. Maalgeliyayaashu waxay u baahan karaan in ay buuxiyaan shuruudo ka mid yihiin maalgelinta ugu yar, ay maraan xaqiijinta aqoonsiga (KYC/AML), ama looga baahdo astaamo gaar ah.
3- Dejinta shuruudaha Presale-ka :-
Mashruucu waxa uu qeexaa qodobbadan muhiimka ah:-
Xadka qaybinta:– tirada guud ee tokennada la bixinayo ama lacagta la ururinayo.
Qiimaha token-ka:– badanaa waa uu ka hooseeya qiimaha iibka guud ee soo socda.
Mudada xannibaadda (lock-up) ama jadwalka bixinta (vesting):- waa shuruudo go’aamiya goorta maalgeliyayaashu heli karaan ama iibin karaan token-ka.
Hababka lacag bixinta la aqbalo:- inta badan stablecoins (USDT, USDC), ETH, BTC, ama lacag rasmi ah ayaa lagu gataa.
4- Fulinta Presale-ka:– Maalgeliyayaashu waxay diraan lacagaha iyagoo adeegsanaya wallets ama suuqyo ay ku sameyaan pre-sale-ka . Marka lacagaha la helo, mashruucu waxa uu u qaybiyaa tokens-ka sida lagu ballamay mararka qaar isla markiiba waa uu baxshaa, mararka qaarna marka token-ku si rasmi ah u soo baxo.
5- Soo Saarista & Qaybinta Token-ka:-
Tokens-ka waxaa loo qaybiyaa jadwalka lagu heshiiyey, badanaa marka la gaadho marxalado muhiim ah sida in lagu daro suuqyada (DEX/CEX), hawlgelinta mainnet-ka ama soo saarista Token-ka.
Muhiimadda Presale-ka ee Crypto
Pre-sale-ku waxa uu muhiim u yahay nidaamka maalgelinta ee crypto dhowr sababood awgood:-
Helitaanka Maalgelin Hore:-
Waxay u ogolaataa mashruucyada in ay helaan lacagtii ugu horreysay ee ay ku maalgalin lahaayeen horumarinta Code-ka, shaqaaleysii ta dad xirfad leh ama ololaha suuqgeynta.
Dhisidda saaxiibbo ganacsi oo Istaraatiiji ah:- Maalgeliyayaasha hore gaar ahaan shirkadaha maalgelinta ama dadka caanka ah waxay keeni karaan kalsooni, khibrad, iyo shabakado ballaadhan oo taageerayaal ah.
Sameynta Xiisaha Suuqa:-
Pre-sale guuleysta waxaa ku badan dalabka maalgeliyayaasha iyo kalsoonida fikradda mashruuca ku qabaan maalgashadayaashu, taas oo soo jiidan karta taageerayaal badan marka iibka guud bilowdo.
Abaalmarinta Taageerayaasha Hore:-
Qiimo dhimis iyo shuruudo wanaagsan ayaa dhiirrigeliya taageerayaasha hore. Xubnaha daacadda u ah mashruuca waxay helaan fursad hore iyo faa’iido wanaagsan.
Habeynta Lacag bixinta iyo soo gelinta Token-ka suuqa:-
Ka qaybgalayaasha pre-sale-ka badanaa waxay noqdaan cidda ugu horreeya ee ka qayb-qaata suuqgeynta labaad.
Khatarta ka qaybgalka Presales-ka
In kasta oo pre-sale-ku leeyahay faa’iidooyin soo jiidasho leh, haddana waxa ku jira khataro culus oo ay tahay in qof kasta oo ka qaybgalaya uu tixgeliyo:
A. Khatarta Mashruuca
Mashruucyada badankood ee marxaladda pre-sale ah waa kuwo hore u jirin, mararka qaar xitaa ma leh hannaan shaqeyneya. Qaar waxay ku fashilmaan inay gaadhaan qorshahooda, halka kuwa kalena ay noqdaan khiyaano.
B. Khatarta Liquidity-ga
Tokens-ka pre-sale-ka la iibsaday waxay yeelan karaan lock-up ama vesting, taas oo macnaheedu yahay in aadan isla markiiba iibin karin. Xitaa marka la sii daayo, suuqa oo yaraada ama suuqyada is-weydaarsi oo la galiyo wuxuu adkayn karaa inaad iska iibiso Token-ka.
C. Caqabad Sharciyeed
Sharciyada crypto waa ka duwan yahay dalba dalka kale. Ka qaybgalka pre-sale iyada oo aan la helin caddeyn sharci ah waxay ku keeni kartaa caqabado sharci ama canshuureed, gaar ahaan haddii token-ka mar dambe loo aqoonsado hanti sharciyaysan (security).
D. Khatarta qiimaha
Qiimaha pre-sale waxaa lagu saleynayaa saadaal. Haddii mashruucu ku guuldareysto inuu gaadho yoolalkiisa ama xaaladda suuqu xumaato, qiimaha token-ku waxa uu hoos uga dhici karaa qiimahii aad ku iibsatay ama ka hooseeyaaba.
E. Khatarta cilladaha Smart Contract-ka
Token-yada iyo hababka qaybintu waxay ku tiirsan yihiin smart contracts, kuwaas oo haddii si liidata loo hubiyo ay yeelan karaan cilado amni oo fursad siin kara tuugta ama khasaaro sababi kara.
F. Khatarta macluumaad yaraanta
Mararka qaar macluumaadka pre-sale-ku waa mid kooban. Maalgeliyayaashu waxay waayi karaan hufnaanta dhaqaale, xogta maamulka, ama qiimeynta kooxda, taasoo kordhinaysa halista go’aanka khaldan.
G. Khatarta Waqtiga oo fogaada
Mararka qaar, waqti dheer ayaa u dhexeeya pre-sale-ka iyo waqtiga token-ku bilaabo inuu shaqeeyo ama suuqa galo. Inta lagu jiro muddadaas, dareenka suuqa, tartanka, ama sharciyadu way is beddeli karaan.
Pre-sale-yadu waa hab awood leh oo lagu helo maalgelin hore waxayna keenaan lacag, dhisaanna xamaasad, waxayna is waafajiyaan rabitaanka daneeyayaasha iyo rabitaankooda. Si kastaba ha ahaatee, waxay leeyihiin khataro ka weyn kuwa maalgashiga mararka dambe.
Laga bilaabo khiyaano dhaci karta ilaa cillado farsamo, xaalado sharci oo aan caddayn, iyo qiimeyn aan degganayn ayaa ka dhigaysa habkan mid aad u xiiso badan kana madhnayn xajiin cabsiyeed.
Qof kasta oo ka fikiraya ka qaybgalka waa inuu :-
Sameeyaa baadhitaan qoto dheer:– oo ku saabsan kooxda, qorshaha, qaabka token-ka, hubinta amniga, maamulka, iyo qaabka ay sharciga u waafaqsan yihiin.
Qiimeeyaa shuruudaha lock-up-ka :– tokenomics, jadwalka vesting, iyo waqtiga dhabta ah ee helitaanka Liquidity-ga.
Fahmaa shuruucda waddankiisa:- gaar ahaan sida ay maamulka u arkaan iibka token-ka.
Kaliya maalgeliyo waxa uu diyaar u yahay:- waa inaad khasaarto waxaad ogoshahay, sidoo kale waa inaad ku kala firdhisaa maalgashiga halkii aad ku halleyn lahayd hal mashruuc keliya.
Adigoo u arka pre-sale inuu yahay fursad khatar sare leh oo u baahan qiimayn taxaddar leh, waxaad si fiican uga faa’iidaysan kartaa guulaha macquulka ah isla markaana ka fogaan kartaa khasaaraha weyn ee ay leeyihiin iibabka hore ee crypto.
Ku baro halkan crypto bilaw ilaa dhammaad luqaddaada hooyo
