Guud ahaan dhammaan afarta habab ee aan ku qeexi doonno mawduucan waa habab loo adeegsado ururinta maalgelin mashruuca lagu kabayo ka hor inta la bilaabin ka ganacsiga Token-ka.
Ururinta maalgelinta ee blockchain-ka waxay noqotay geedi-socod khatar sare leh oo ay aasaasayaashu la tacaalaan xeerar sharci, tokenomics, filashada maalgashadayaasha, iyo shuruudaha is-weydaarsiyada suuqa crypto. Hal qalad ayaa burburin kara mashruuc dhan.
La-taliyayaasha Crypto waxay door muhiim ah ku leeyihiin halkan. Waxay bixiyaan hagitaan istaraatiiji ah oo ku saabsan qaab-dhismeedka sharci, meelaynta suuqa, dhisidda kalsoonida bulshada, la xidhiidhka is-weydaarsiyada , iyo qorshaha maalgelinta. Haddii la adeegsanayo ICO, IDO, IEO, ama STO, la-taliye sax ah wuxuu hubiyaa in soo saarista mashruucu ay tahay mid waafaqsan sharciyada, tartan leh, oo diyaar u ah maalgashadayaasha.
Sawirka guud ee ururinta maalgelinta crypto ee 2025.
Ururinta maalgelinta ayaa ah mid koraysa, iyadoo sharciyadu sii kordhayaan iyo fursadaha maalgelintu noqdeen kuwo nidaamsan.
ICO-yadu wali waxay ururiyaan qaddar muuqda oo celcelis ahaan $14.7M muddo ku dhow 54 maalmood — balse hadda waxay yihiin wax ka yar 20% guud ahaan hababka maalgaalin ururinta crypto.
Suuqa ICO-ga caalamiga ah wuxuu gaadhay $38.1B sanadkii 2025-ka, isagoo kor u kacay 21.7% sanadkii hore. Maraykanka ayaa hormuud ka ah oo ku fadhida $9.3B, halka Asia ay tahay $8.7B.
IDO-yada iyo IEO-yadu waxay kasbadeen awood, iyagoo bixinaya liquidity degdeg ah, hubinta goobaha lagu soo bandhigo, iyo kalsoonida maalgashadayaal badan ayay sidoo kale kasbadeen.
Qaababka Muhiimka ah ee Ururinta Maalgelinta
- ICO (Initial Coin Offering)
ICO waa marka mashruuc uu toos ugu iibiyo tokens-ka maalgashadayaasha, inta badan ka hor inta aan Token si buuxda loo dhisin. Waxay siisaa aasaasayaasha xakamayn buuxda oo ku saabsan qiimaha, waqtiga, iyo qaybinta token-ka.
Waxaa ku habboon marka:
- Tokens leh adeeg cad oo dhibaato xallinaya.
- Mashruucyo ku jira gobollo ama dalal sharciyaysan oo u janjeedha crypto.
- Kooxo doonaya is-dhexgal toos ah oo ay la yeeshaan maalgashadayaasha iyagoo aan adeegsan dhexdhexaadiye.
Doorka la-taliyahu ku leeyahay:
- Diyaarinta tokenomics oo dammaanad qaadaysa waaritaanka muddo dheer ah.
- Hagid sharci si looga fogaado jebinta shuruucda securities-ka.
- Qorista warqadda cad (whitepaper) oo isku daraysa faahfaahin farsamaysan iyo suuq-geyn midhiftiran.
- IDO (Initial DEX Offering)
IDO waxaa in token-ka lagu bilaabo is-weydaarsi aan xakameysnayn (DEX) ama launchpad, iyadoo bixisa liquidity degdeg ah oo ay suurtageliyaan Automated Market Makers (AMMs). Waxaa aad looga adeegsadaa DeFi, Layer-2, iyo mashruucyada Web3.
Faa’iidooyinka qaabkan:
- Tokens-ka ayaa si degdeg ah looga ganacsan karaa kadib bilaabashadiisa.
- Ka qaybgal maalgashadeyaal caalami ah oo ay jirin caqabado gelitaan ka celinaya maalgashiga.
- Waa mid kharash yar marka loo eego liis garaynta CEX.
Doorka La-taliyahu ku leeyahay:
- Doorashada launchpad ku habboon blockchain-ka mashruuca.
- Diyaarinta liquidity pools-ka si looga hortago burburka qiimaha.
- Qaabaynta jadwalka qaybinta iyo xidhitaanka (vesting).
- Olole suuq-geyn ka hor IDO-ga oo ah sida airdrops in ay sameeyaan.
- IEO (Initial Exchange Offering)
IEO waxaa lagu qabtaa is-weydaarsi xakamaysan (CEX). Is-weydaarsigu wuxuu toos ugu iibiyaa token-ka isticmaaleyaashiisa wuxuuna inta badan bixiyaa liis-gelin degdeg ah kadib marka IEO-gu dhammaado.
Faa’iidooyinka qaabkan:
- Kalsooni sare maadaama is-weydaarsigu hubiyo mashruuca.
- Dad badan ayaa la socda oo diyaar u ah.
- Liquidity degdeg ah kadib iibka iyo bilaabashada mashruuca.
Doorka La-taliyahu ku leeyahay:
- Wada xaajood ayuu la yeeshaa is-weydaarsiga si loo helo liis garayn degdeg ah.
- Hubinta waafaqsanaanta Sharciga iyada oo la mariyo hubin sharci iyo kormeerka smart contract ah.
- STO (Security Token Offering)
STO waa iibinta tokens sharci ahaan loo tixgeliyo securities, sida saamiyada, bonds-ka ama Real world asset ee la tokenize-gareeyay. STO-yadu waxay waafaqaan shuruucda securities-ka waxayna bartilmaameedsadaan maalgashadayaal sharci ahaan aqoonsan ama hay’adaha.
Sababta ay u kordhayaan STO-yadu:
- Baahida hay’adaha ee alaab blockchain ah oo hantida dhab ah ku xidhan oo korodhay.
- Dalal sida UAE, Switzerland, iyo Singapore waxay bixiyaan sharciyo cad oo STO-yada khuseeya.
- Madalaha sida INX iyo Securitize waxay taageeraan soo saarista token waafaqsan sharciga.
Doorka La-taliyahu ku leeyahay:
- Doorashada meel sharci ahaan iyo canshuur ahaan u fiican.
- Qaabaynta token-ka si uu u muujiyo xuquuqda lahaanshaha.
- Dejinta nidaamka KYC/AML ee maalgashadayaasha.
- Ku darista madalaha ganacsi ee sharciyeysan.
Habka ugu fiican ee ururinta maalgelinta ma aha mid la daba ordayo isbeddelada suuqa iyo trend-ga socda balse waa mid lagu waafajiyo bilaabidda token-ka heerka mashruucaaga, baahida sharci, iyo nooca maalgashadayaasha aad beegsanayso.
La-taliyayaasha waxay buuxiyaan farqiga u dhexeeya aragtida mashruuca iyo fulintiisa, iyagoo hubinaya in tallaabo kasta laga bilaabo tokenomics-ka ilaa suuq-geynta si istaraatiiji ah loo qorsheeyay sidii ugu habboonayd.
Ku baro halkan crypto bilaw ilaa dhammaad luqaddaada hooyo
