Iyadoo la-qabsiga crypto ay si xawli ah u kordhayso, sidaas ayay sidoo kale u kordhayaan hay’adaha canshuur qaadista ee kormeeraya suuqan. Si kastaba ha ahaatee, ma aha dhammaan dalalku inay ku ahaadaan kuwo crypto ka leh Xeerar ku adkeeya horumarka. Runtii, qaar ka mid ah dowladaha hal-abuurka leh ayaa si buuxda u taagera suuqan, iyagoo bixiya xorriyad buuxda iyo canshuur dhaaf ku saabsan faa’iidooyinka crypto.
Qof kasta oo isweydiinaya meesha suuqa crypto uu canshuur la’aan ka yahay 2025-ka, dalalkan ayaa noqday meelaha ay u guuraan ganacsatada, kuwa haysta Bitcoin muddada dheer iyo ganacsatada hantida dhijitaalka ah.
- Cayman Islands
Haddii aad raadineyso meel ammaan u ah hantida dhijitaalka ah, Cayman Islands waa inay ku jirtaa meesha ugu sarreysa liiskaaga.
Xaruntan dhaqaalaha ee caanka ah ma saarto wax canshuur ah dakhligaaga shakhsiga ah, ma canshuurto faa’iido raasumaalka ama ta shirkaddaba, waxaana ka mid ah crypto. Haddii aad ganacsanayso Bitcoin, aad hayso muddo dheer ama aad maamusho khasnad DeFi ah, faa’iidooyinkaaga lama taabanayo.
Kuwa ka walwalsan sharciyada, Cayman sidoo kale waxay haysaa xal. Sharciga Virtual Asset (Service Providers) Act ee dib loo cusboonaysiiyey, oo ah nidaamka ruqsad-bixinta si buuxda u shaqeeya laga bilaabo April 2025, ayaa dalka siinaya qaab sharci cad oo waafaqsan heerarka caalamiga ah. Tani waxay ka dhigan tahay in is-weydaarsiyada, adeegyada kaydinta iyo madalaha kale ay si sharci ah uga shaqeyn karaan.
Intaa waxaa dheer, dhaqaalaha maxalliga ah waa mid deggan (doolarka Cayman waxa lagu xidhay doolarka Mareykanka), sharciyada maxkamadaha oo ku saleysan luqadda Ingiriisiga, iyo nolol raaxo leh oo u fudud dadka ajnabiga ah waa sababta ay Cayman Islands uga mid tahay meelaha la isku halleyn karo ee canshuur la’aanta crypto hirgaliyay.
Cayman Islands
- Isu-tagga Imaaraadka Carabta (UAE)
UAE ayaa sii xoojinaysa kaalinteeda ah mid ka mid ah dalalka ugu fiican. crypto sannadka 2025. Dhammaan toddobada imaaradood, oo ay ku jiraan Dubai iyo Abu Dhabi, dadka shakhsiga ahi ma bixiyaan wax canshuur ah marka ay timaaddo ka ganacsiga crypto, staking, mining ama iibinta crypto.
Waa canshuur la’aan buuxda oo ku saabsan crypto, iyadoo aan lahayn wax canshuur dakhli shakhsi ah ama canshuur faa’iido raasumaal ah.
Faa’iidada aad ka helayso dalkan waxa ay dhaafsiisan tahay canshuurta. Iyadoo jira hay’ado gaar ah oo sharci-dejin crypto ah sida Virtual Asset Regulatory Authority ee Dubai, Dubai Financial Services Authority (DIFC) iyo Financial Services Regulatory Authority (ADGM),
UAE waxay bixisaa caddeyn sharci oo cad oo loogu talagalay bilowga, maalgeliyeyaasha iyo shirkadaha waaweyn. Haddii aad samaynayso NFTs ama aad dhisayso layer-1 protocol, waxaa jira waddo fudud oo aad ruqsad sharci ku helayso.
Marka lagu daro ikhtiyaarada fiisaha oo soo jiidashada leh, kaabayaal heer caalami ah iyo faa’iidooyinka canshuuraha ee lagaa dhaafay, UAE waxay u noqoneysaa doorasho cad oo qof kasta oo doonaya inuu u guuro si uu uga badbaado canshuurta crypto.
Dad badan oo caalami ah iyo crypto nomads (dadka crypto ka shaqaysta) ayay tani u tahay meesha ugu fiican ee canshuur la’aanta aad crypto kaga shaqaysan karto.
Ma ogtahay in daraasad dhawaan la sameeyay ay muujisay in qiyaastii 25.3% dadka deggan UAE ay haystaan crypto, halka Dubai ay ka taagan tahay 98.4/100 xamaasadda crypto mid ka mid ah dhibcaha ugu sarreeya adduunka.
UAE
- El Salvador
Markii dawladda El Salvador ay ku dhawaaqday Bitcoin inay tahay lacag sharci ah sannadkii 2021, waxa uu gilgilay dhaqaalaha adduunka. Hadda oo aynu joogno 2025, waddankan yar ee Bartamaha koonfur Ameerika wuxuu weli ka mid yahay meelaha ugu habboon ee canshuur la’aanta Bitcoin laga helo.
Sharciga Digital Assets awgiis, ma jiraan wax canshuur ah oo la saaro Bitcoin ha ahaato ganacsi, hayn ama xitaa isticmaalka maalinlaha ah iyada oo loo marayo Lightning wallets sida Chivo. Waa mid ka mid ah dalalka aadka u yar ee crypto canshuur la’aan ka tahay 2025-ka halkaas oo ballanqaadkii ay sameeyeen weli shaqaynayo.
Xusuusnow in dalka El Salvador uu dhisayo Bitcoin City, magaalo dhijitaal ah oo ku shaqeysa tamar dhulka hoostiisa laga soo saaro, taas oo aan lahayn dakhli, hanti ama canshuur faa’iido raasumaal ah oo waa aag cusub oo canshuur la’aan crypto ah oo loogu talagalay miners, dadka suuqa bilowga ku ah iyo digital nomads.
Kuwa doonaya inay ku noolaadaan canshuur la’aan crypto iyagoo ku jira deegaan hal-abuur ka socdo, El Salvador waa ikhtiyaar wanaagsan oo sharciyeysan.
Ma ogtahay in Tether, shirkadda soo saarta stablecoin-ka ugu sarreeya crypto ee USDT, waxay gaynaysaa xarunteeda dhexe El Salvador sannadka 2025 si ay uga faa’iideysato jawiga u wanaagsan crypto ee uu dalkaasi leeyahay.
El Salvador
- Jarmalka
Jarmalku ma aha mid si cad loogu yaqaan crypto, laakiin dadka haysta crypto muddada dheer ayuu u yahay mid ka mid ah dalalka ugu fiican.
Haddii aad haysato Bitcoin ama hantida dhijitaalka ah muddo ka badan 12 bilood, iib kasta, is-weydaarsi ama xataa isticmaalka maalinlaha ah gebi ahaanba waa canshuur la’aan.
Jarmalku wuxuu ula dhaqmaa cryptada muddo dheer la hayo sidii hanti gaar loo leeyahay oo kale, ulama dhaqmo sidii mid lagu ganacsado. Waa mid ka mid ah meelaha naadirka ah ee canshuurta crypto aynan jirin halkaas oo hayntu keento ka-dhaafitaan canshuurta.
Xitaa ganacsiyada muddada gaaban qaata, waxaa jira caawimaad ay siiyaan oo ah Haddii faa’iidooyinkaaga sanadlaha ah ay ka hooseeyaan 1,000 euro ma bixinaysid wax canshuur ah, mana jirto wax xog soo gudbin ah oo loo baahan yahay. Kaliya faa’iidooyinka ka sarreeya heerkaas ayaa la canshuuraa, haddii la iibiyo muddo ka yar hal sano.
Dal canshuurtiisu sareyso sida Jarmalka, nidaamkan waa mid si lama filaan ay u dhaqan galiyeen. Kuwa Muddada dheer haya cryptada (hodlers) adag ama maalgashadayaasha crypto, Jarmalku wuxuu noqon karaa mid ka mid ah meelaha ugu wanaagsan ee ugu canshuur yar sannadka 2025, gaar ahaan dadka ku nool midawga reer yurub ee raadinaya canshuur la’aan sharciyaysan meel ahaanna ka fogeyn.
Jarmalka
- Portugal
Portugal weli waa mid ka mid ah meelaha ugu xooggan ee lagu tiriyo liiska dalalka leh canshuur dhaafka crypto. Waxay leedahay isku-dar ah jawi qurux badab, xeeb iyo canshuur dhaaf lacagaha dhijitaalka ah. Hantida la hayo in ka badan 365 maalmood ama sannad, faa’iidooyinka raasumaalka crypto gebi ahaanba waa laga dhaafay, taasoo ka dhigaysa mid ka mid ah meelaha ugu wanaagsan ee Yurub.
Dhammaan ma wada aha canshuur la’aan. Faa’iidooyinka muddada gaaban (ka yar hal sano) hadda waxaa lagu canshuuraa 28%, iyo dakhliga laga helo staking ama ganacsi la mid ah ayaa sidoo kale la canshuuraa. Si kastaba, dadka doonaya mustaqbal fog iyo kuwa hawlgabka ah ee raadinaya nafis canshuureed, Portugal waxay weli ka mid tahay meelaha ugu soo jiidashada badan.
Portugal
Dalalkan aan ka soo hadalnay waa dhawrka dal ee si sharciyaysan u bixiya adeeg canshuur la’aan ah oo lacagaha dhijitaalka ah la xidhiidha.
Ku baro halkan crypto bilaw ilaa dhammaad luqaddaada hooyo
